Den 15. desember 1943 tok det tyske jagarflyet "Gul-16" av frå basen sin på Herdla - 64 år seinare kom det tilbake. Sjå vraket og få heile historia i utstillinga vår!

I denne kompakte utstillinga presenterer me Herdla si historie gjennom foto, film og tekst. I tillegg har me valt ut nokre gjenstandar som kvar for seg er ei brikke i øya si historie.

Inntil for få år sidan var Herdla torpedobatteri eit topphemmeleg forsvarsanlegg. I dag kan du vera med på ein guida tur gjennom det fullt utrusta batteriet.

Kvar vår vil Herdla museum presentera ein Askøy-kunstnar. Me starta opp i fjor med Håkon Johannessen, i år står Jan Henning Larsen for tur. Gjennom si meir enn 25 år lange karriere har Jan Henning arbeidd i ulike teknikkar og med ulike motivkrinsar.