Praktisk informasjon

 

 

Korleis koma seg til oss

Det er lett å koma seg til Herdla med både buss og privatbil. Nytt museum er i emning og mellombels held museet til i flyhallen (Gul-16) på Herdla Fort der det er flyutstilling og torpedobatteri.

 

 

Herdla ligg heilt på nordspissen av Askøy. Køyrer du frå Bergen sentrum følgjer du Rv 555 i retning Askøy/Sotra til Storavatnet. I rundkøyringa tek du av på Rv 562 i retning Askøy. Etter å ha passert Askøybrua er det berre å følgja 562 nord til Herdla. Køyretid med bil er ca. 45 min. frå Bergen sentrum.

Det går buss direkte frå Bergen busstasjon til Herdla (rute 499). Sjekk rutetider på skyss.no

Når du kjem til Herdla, svingar du av til venstre like etter Herdla gård og parkerer på parkeringsplassen like innafor porten til Herdla fort. Museet finn du i den store blå hallen som du no vil sjå. 

Servicetilbod

Det er råd å få enkel servering ved museet (kaffi, is, kaker og saft). Elles er det greie parkerings- og toalettforhold på Herdla fort.

Funksjonshemma

Herdla fort er rimeleg bra tilrettelagt for rørslehemma. Også det meste av torpedobatteriet er godt tilgjengeleg. Her er det råd å køyra med bil heilt fram om det skulle vera naudsynt. Treng du praktisk hjelp eller særleg tilrettelegging er det berre å ta kontakt med guiden.